نئے سال کے آغاز کیساتھ ہی معروف سوشل میڈیا ایپلی کیشن واٹس ایپ نے متعدد فونز کیلئے سپورٹ بند کرنے کا اعلان کر دیا ہے اور ایک مخصوص وقت کے بعد ان تمام فونز پر ایپلی کیشن کام نہیں کرے گی۔
غیر ملکی خبر رساں ادارے کے مطابق سال 2019ءسے اینڈرائڈ 2.3.7، نوکیا ایس 40 اور آئی او ایس 7 پر واٹس ایپ ایپلی کیشن کام نہیں کرے گی۔ صارفین نوکیا سیریز 40 میں اب سے نئے واٹس ایپ اکاؤنٹ نہیں بنا سکیں گے اور جو اکاؤنٹ پہلے سے موجود ہے، اس میں بھی وہ متعدد فیچرز استعمال کرنے سے کبھی بھی محروم ہوسکتے ہیں۔
ایک سروے کے مطابق دنیا بھر میں اس وقت 0.3 فیصد اینڈرائڈ موبائل فونز پرانے ورژن پر چل رہے ہیں جو تقریباً 6 ملین ٹیبلٹ اور سمارٹ فونز میں استعمال ہو رہا ہے۔ ان سمارٹ فونز کے حامل افراد اب نیا واٹس ایپ اکاؤنٹ نہیں بنا سکیں گے البتہ وہ اپنے اکاؤنٹ کو مذکورہ تاریخ کے ختم ہونے تک جاری ضرور رکھتے ہیں۔
یہاں یہ امر قابل ذکر ہے کہ گزشتہ برس واٹس ایپ کی بلاگ پوسٹ کے ذریعے صارفین کو آگاہ کیا تھا کہ نوکیا سیریز 40 میں واٹس ایپ 31 دسمبر 2018ءتک کام کرسکے گا جبکہ اینڈرائڈ ورژن 2.3.7 یا اس سے پرانے ورژن اور آئی او ایس 7 اور اس سے پرانے ورژن پر اسے 2 سال تک استعمال کیا جاسکتا ہے۔
کوئی تبصرے نہیں:
ایک تبصرہ شائع کریں