ٹانگووالی(ٹانگووالی۔ 26 دسمبر2018ء) سرگودھا کی تحصیل بھلوال کے چک نمبر 2 میں سابقہ دشمنی پر دو متحارب گروپوں میں فائرنگ سے تین افراد جاںبحق اور دو افرادزخمی ہو گئے۔ ڈی پی او سرگودھا حسن رضا نے واقعہ کانوٹس لے کر رپورٹ طلب کر لی۔
بتایا گیا ہے چک 2 میں ایک فوتگی پر علاقہ بھر سے لوگ اکھٹے تھے کہ دیرینہ دشمنی پردو گروپوں کے درمیان جھگڑا اور فائرنگ میں راجہ باسط گروپ کا کاشف اور راجہ انوار گروپ کے دوافراد عنصر اور مقبول جاںبحق اور دو افراد زخمی ہوگے۔
پولیس نے مقتولین کی نعشیں پوسٹمارٹم کے لئے اور دو نوں زخمیوں کو طبی امداد کے لئے ٹی ایچ کیو ہسپتال منتقل کر کے تفتیش شروع کر دی۔اس وقوعہ کا ڈی پی او نے فوری نوٹس لیتے ہوئے ڈی ایس پی بھلوال ایس ایچ او کرائم سین یونٹ کو موقعہ پر پہنچنے کی ہدایت کرتے ہوئے رپورٹ طلب کر لی ہے۔زخمیوں کو تحصیل ہیڈ کوارٹر ہسپتال بھلوال رکھا گیاہے۔
کوئی تبصرے نہیں:
ایک تبصرہ شائع کریں