سرگودھا (ٹانگووالی۔ 09 اپریل2019ء) امپروومنٹ ٹرسٹ سرگودہا نے پرائیویٹ سیکٹر کی معاونت سے ماڈل ٹائون ہائوسنگ سکیم کو مکمل کرنے کی تیاریاں شروع کردیں۔
ذرائع کے مطابق محکمہ ہائوسنگ نے امپروومنٹ ٹرسٹ کے زیر ِانتظام 35 سال قبل ماڈل ٹائون سکیم تیار کی تھی لوگوں کی بڑی تعداد نے اس سکیم میں پلاٹ خریدے مگر 35 سال کا عرصہ گزرنے کے باوجود یہ ہائوسنگ سکیم تاحال ویران ہے، اب موجودہ حکومت نے اس ماڈل ٹائون سکیم کو آباد کرنے کا منصوبہ تیار کیا ہے جس میں پرائیویٹ سیکٹر کو شامل کیا جارہا ہے۔
ماڈل ٹائون سکیم میں پلاٹ لینے والے کئی افراد اپنے گھر کی حسرت لئے دنیا سے رخصت ہوگئے۔ اب حکومت کی ہدایت پر اس ہائوسنگ سکیم کودوبارہ آباد کرنے کیلئے اقدامات کئے جارہے ہیں۔
کوئی تبصرے نہیں:
ایک تبصرہ شائع کریں